Uroe Minggu

Assalamulaikom loen buot saleum

Keurakan mandum yang digampong atau dibanda

Yang onlen sabe nibak tiep waroeng

atau pake talepon yang canggih lupah na

 

jaroe duablah diateuh ulee

meuah loen lakee seugohlom loen putrok haba

kadang na salah bak loen teumuleh

Kadang meucureh didalam dada

oleh seubabnyan wahe e rakan

neuputupat rijang menyo nasalah haba

keu uroe minggu bacut loen rawi

muda ngen mudi seunang leupahna

seubab uroenyoe uroe liburan

uroe yang panjang karena pre sikula

uroe rhah ija deungen rhah bajee

uroe pileh gutee bak aneuk dara (hahaha)

Tapi jinoe jameun kacanggeh

kalagee arteh dum aneuk dara

myo manteng na gutee lam ulee

bit cukop malee ta deunge berita

Myo dibarat laen lom macam

uroe minggunya lagee uroe raya

karena uroe minggunyan uroe liburan

Holiday rakan dipeugah nama

peupeu yang galak dipeubuet rijaang

ineng ngen agam meufoya-foya

Geutanyoe Aceh ureung islam

buet-buet lageenyan bek that ta hawa

walau uroe minggu uroe liburan

tapi perbuatan harus tajaga

bukon hana jeut sapat ineng ngen agam

tapi aturan harus tajaga

bek sampe malee eunteuk hai rakan

bak salah perbuatan geutenyoe dumna

peu tajak ugle peu tajak ublang

atau tajak upeukan tajak bloe bada

myo geutanyoe taat atura

uroe ngen malam Tuhan yang jaga.

etnoe keuh manteng haba loen riwang

teuma laen jan tasambong teuma

pat-pat na salah peumeuah rijang

karena loen tuwan juga manusia